• Station1 Staff

Gov. Tubban, impaganetget ti importansya ti MSMEs kas adigi ti ekonomya ti pagilyan

Tabuk City, Kalinga - Bayat iti opisyal a pannangiyusuat ti Christmas Bonanza Fair of Chamber of Kalinga Producers Inc. (CKAPI), impaganetget ni Governor Ferdinand Tubban ti kontribusyon ken importansya dagiti Micro, Small and Medium Enterprises (MSMEs) nga kas kinunana a maibilang a kas adigi ti ekonomya ti lokal ken ti intero a pagilyan.


“Saan yu koma liplipatan a dakkel ti akem yu iti probinsiya. Dakayu nga MSMEs ti biag ti local nga ekonomiya tayo… dakayo dagiti saan a mapanpansin a trabahadores ti komunidad… mangit-ited ti makan ti kaadwan a pamilya babaen iti trabaho nga iof-offer kasta met dagiti oportunidad a mailukat yo kadagiti awanan pagsapulan," kinuna ti Gobernador a kas mabasa iti mensahe a supporta na iti MSMEs.


Dinakamat pay ti Gobernador ti fact data nga mangipakpakita nga agarup 99.5 a porsyento ti amin nga establisimyento ti negosyo iti Pilipinas ket MSMEs, ken nasurok pay a 63 prosyento ti impastrekda nga trabahador iti pagilyan.


Kas supporta ti probinsya kadagiti MSME's, kinuna na nga agipapaay da ti trainings wenno panagsanay kadagiti kayat na nga agnegosyo ken adda met laeng livelihood programs nga mabalin maited kenyada.


Pannangiyusuat iti CKAPI’s Christmas Bonanza Fair


Maragsakan ti Gobernador iti pananagiyusuat ti CKAPI’s Christmas Bonanza Fair idi December 13 a naisayangkat iti igid ti national road idyay Bulanao, Tabuk City. Kinunana nga ti inisyatiba ti CKAPI ken ti pannakisugponda ti DTI-Kalinga ket dakkel ti maaramidan na iti pannakapaganaygay ti MSME's iti probinsya.


Kinuna na pay nga ti nasao nga bonanza fair ket makatulong met laeng tapno masmarikna ti amin ti naimbag ken naragsak a paskua.


“Because it is not only the products you sell that make people happy but the chance for people to walk together, to have a small talk, and to socialize… feeling the joy of Christmas in the air.” (Gapu ta haan laeng nga diyay produkto nga ilaklako ti mangparagsak kadagiti tadtao nu di ket diyay gundaway met laeng nga agkakaduada a magmagna bayat nga agmatmat da kadagita laklako yu,) kinuna ni Governor Tubban.


2 views0 comments

Recent Posts

See All